Norsk Bremuseum er teikna av sivilarkitekt M.N.A.L. Sverre Fehn, som har vunne mange internasjonale prisar innan arkitektur.
Sverre Fehn blei født i Kongsberg i 1924. Han studerte arkitektur ved Arkitekthøyskolen i Oslo, der han tok eksamen i 1948. Frå 1971 til 1993 var han professor på Arkitekthøyskolen.
Sverre Fehn har hatt mange utstillingar i Noreg og i utlandet, m.a. i Frankrike, Brasil, Finland, Danmark, Sverige, Island, Spania og Italia. Han har også halde foredrag på ulike universitet, t.d. i USA og Storbritannia. I 1997 fekk Sverre Fehn den prestisjetunge Pritzker-prisen for sine arbeider. Bygningane han har teikna var ofte museum eller galleri, men også privathus.
- Norsk Bremuseum, Fjærland
- Ivar Aasen-tunet, Ørsta/Volda
- Aukrustsenteret, Alvdal
- Norsk Museum for fotografi, Horten
- Hedmarksmuseet og Domkirkeodden, Hamar
- Norsk Arkitekturmuseum, Oslo
- Den Norske Paviljongen på verdsutstillinga 1958 i Brüssel
- Den Nordiske Paviljongen ved Biennale i Venezia i 1962
- Villa Kiso
- Villa Busk
|
 |
Sverre Fehn fekk oppdraget med å teikne Bremuseet i 1989, og museet blei opna i 1991. I 2002 blei det bestemt at Bremuseet skulle utvidast med eit tilbygg som skulle huse ei utstilling om klimaendringar. Dette var ei utfordring for Sverre Fehn, som då måtte ta opp att tankane om ei bygning som eigentleg var ferdigkonstruert. Han teikna nybygget rundt den eksisterande kinoen, og bygginga tok til hausten 2006. I July 2007 blei Ulltveit-Moe senter for klimaviten opna. Sverre Fehn døydde 23. februar 2009.