På fleire av brearmane til Jostedalsbreen blir det dagleg arrangert brevandring med røynde breførarar. I Fjærland kan du gå tur på Flatbreen; ein krevjande tur der oppstigninga til Flatbrehytta er på nesten tusen høgdemeter. Snillare breturar fins både i Jølster og i Jostedalen. 

Ei oversikt over turane og dei ulike breførarlaga gjev brosjyren "Jostedalsbreen - glacier walks" (Breturkartet 2010). Denne blir oppdatert kvart år. Last ned pdf-versjonen av brosjyra her: Del 1 (oversiktskart og kontaktinformasjon), del 2 (tabell med oversikt over guida turar).

Kart over aktuelle brear med føring finn du her: Oversiktskart breføring

Du kan også kontakte turistinformasjonen i dei ulike områda for informasjon, Norsk Bremuseum (Fjærlandsområdet), Breheimsenteret (Jostedalen) eller Jostedalsbreen Nasjonalparksenter (Stryn).