Panoramafilm om Jostedalsbreen
Opplev Jostedalsbreen
Velkomen inn for å sjå panoramafilmen om Jostedalsbreen og nasjonalparken. Her kan du oppleve breen frå lufta, på overflata, inne i brefalla og under isen. Du får bli med inn i ei verd av snø og is som byr på naturopplevingar som er unike for dette ville verneområdet. Medan du svevar over det majestetiske, breforma landskapet, kjem du òg nærare dei små tinga i naturen.
Kamerasystem
For å kunne vise breen og naturen på best mogleg vis, er det nytta fleire typar kamerasystem i filmen. Eit spegl-basert panoramakamera med opptaksvinkel på 220° er nytta for dei breiaste klippa. I tillegg er det nytta spesialoppsett av enkle og doble film- og fotokamera for film- og intervallklipp (“time lapse”), med ei oppløysing på opptil 15 000 pikslar (15K) i breidda.
Framsyninga
Filmen blir vist på eit samanhengande, boga lerret som er 21 meter breitt og 4,2 meter høgt. Framsyninga blir styrt av ei kraftig datamaskin som syt for at filmen vert fordelt til 4 projektorar. Lyden kjem frå sju høgtalarar rundt i salen, i tillegg til eigne bass- og vibrasjons-element.
Bakomfilm
I museet kan du også sjå eksklusive klipp frå bakomfilmen om prosjektet. Her kjem du tett på produksjonen av panoramafilmen om Jostedalsbreen.
Produsent panoramafilm: Falkeblikk Film Production AS, Sogndal.
Lokasjonane i panoramafilmen
Nr. Tidspunkt (minutt) Stad
1. Intro Innover Fjærlandsfjorden og Norsk Bremuseum
2. 0:45 Det grøne Lovatntet i Lodalen, Stryn
3. 1:40 Brenndalsbreen i Oldedalen, Stryn
4. 1:50 Briksdalsbreen i Oldedalen, Stryn
5. 2:40 Langedalen i Veitastrond, Luster
6. 3:50 Flatbreen i Fjærland
7. 6:00 Steinmannen ved Nigardsbreen i Jostedalen, Luster
8. 7:00 Lodalskåpa «Vestlandsdronninga» på grensa mellom Stryn og Luster
9. 8:00 Skålatårnet i Loen, Stryn
10. 9:00 Krundalen i Jostedalen, Luster
11. 9:30 Nigardsbreen i Jostedalen, Luster
12. 10:00 Nigardsbreen i Jostedalen, Luster
13. 10:30 Styggevatnet og Austdalsbreen i Jostedalen, Luster
14. 12:30 Lodalskåpa «Vestlandsdronninga» på grensa mellom Stryn og Luster
15. 12:45 Skålatårnet i Loen, Stryn
16. 14:00 Fossefall ved Brenndalsbreen i Oldedalen, Stryn
17. 14:20 Supphellenipa, Fjærland
18. 14.30 Bøyabreen, Fjærland
19. Sluttbilde Lodalskåpa «Vestlandsdronninga» på grensa mellom Stryn og Luster